आईसीसी क्रिकेट वर्ल्डकप लिग-२ अन्तर्गतको बुधबार जारी नामिबिया विरुद्धको खेलमा नेपालले छ विकेट गुमाएको छ। छैटौं विकेटको रुपमा कुशल मल्ल आउट भएका छन्। यसअघि कप्तान रोहित पौडेल शून्य आउट भए। 

आशिफ शेख अर्धशतक बनाएर आउट भएपछि क्रिजमा आएका कप्तान रोहित ९ बल खेलेर शून्यमा आउट भए। उनलाई नामिबियाका लोप्टिइटनले क्याच आउट गराए। यसघि अनिल शाह र देव खनाल पनि खाता नखोली आउट भएका थिए। नेपालले तेस्रो विकेटका रूपमा देव खनाललाई गुमाएको थियो। 

यू-१९ राष्ट्रिय टोलीका कप्तान समेत रहेका उनले खातासम्म खोल्न सकेनन्। आठौँ ओभरको अन्तिम बलमा उनी आउट हुँदा नेपालले ४३ रन बनाएको थियो। त्यसअघि अनिल शाह र कुशल भुर्तेललाई नेपालले गुमाएको थियो।

अनिल साह पनि आज शून्यमा आउट भए। भुर्तेलले १६ बलमा १८ रन बनाएर आउट नेपाल अहिले २४ ओभरको खेल सकिँदा ११६ रन बनाएर खेलिरहेको छ।