सत्तारुढ दल नेकपा (माओवादी केन्द्र) को केन्द्रीय समिति बैठकमा प्रदेश समितिबाट रिपोटिङ गरिएको छ।
आज आइतबारदेखि राष्ट्रिय सभागृहमा सुरु भएको बैठकको पहिलो दिन १० वटा प्रदेश र तीनवटा आयोगले आफ्नो रिपोर्टिङ प्रस्तुत गरेको माओवादी कार्यालयले जनाएको छ ।
आजको बैठक सकिएको छ। अब भोलि विहान ११ बजे पुनः बैठक सुरु हुने बताइएको छ।
फागुन महिनामा हुने विधान सम्मेलनको तयारीका लागि माओवादीले केन्द्रीय समिति बैठक बोलाएको हो।
शुक्रबार र शनिबार स्थायी समिति बैठक गरेको माओवादीले केन्द्रीय समिति बैठक राखेको हो।
राष्ट्रिय सभागृहमा करिब ८ सयजना सहभागीबीच माओवादीले सबैभन्दा पहिले पार्टीको तीन महिने अभियानको समीक्षा गरिरहेको छ।
पार्टीलाई रुपान्तरण गर्ने उद्देश्यले माओवादी ले ‘जनतासँग माओवादी विशेष रुपान्तरण अभियान’ चलाएको थियो।
माओवादी केन्द्रले गत कात्तिकदेखि देशभरका ६ हजार सात सय ५३ वडामा अभियान सञ्चालन गरेको थियो।
