पूर्व सांसद इच्छाराज तामाङ सम्पत्ति शुद्धीकरणमा दोषी ठहर विशेष अदाललते पूर्व सांसद एवं व्यवसायी इच्छाराज तामाङलाई सम्पत्ति शुद्धीकरण मुद्दामा दोषी ठहर गरेको छ। 

विशेष अदालतले आइतबार उनलाई दोषी ठहर गरेको हो ।  विशेष अदालतका अध्यक्ष टेकनारायण कुँवर, न्यायाधीशहरु तेज नारायण सिंह राई र मुरारीबाबु श्रेष्ठको इजलासमा  उनलाई दोषी ठहर गरेको हो भने सजाय अर्को पेशीमा निर्धारण गर्ने छ। तीन वर्षभन्दा माथिको कैद सजाय हुने मुद्दामा पून अर्काे पेशी तोकि सजाय निर्धारण गर्नुपर्ने मुलुकी अपराध संहिताको व्यवस्था अनुसार केही दिनपछि विशेषले उनलाई सजाय निर्धारण गर्ने छ।  
गत मंगलवारवाट  तामाङको मुद्दामा अन्तिम सुनुवाई शुरु भएको थियो । मुद्दा हेर्दा हेर्दै राखेर सुनुवाई भइरहेको थियो । सम्पत्ति शुद्धीकरण अनुसन्धान विभागले सिभिल सहकारी संस्थाका पूर्व अध्यक्ष तामाङसहित उनको परिवारका ६ जना विरुद्ध २०७९ भदौ १६ गते मुद्दा दायर गरेको थियो।  
विभागले तामाङ, उनकी श्रीमती, दुई छोरी, सहकारीका तत्कालीन अध्यक्ष केवशलाल श्रेष्ठ र उनकी श्रीमती बिना श्रेष्ठसहित ६ जनाविरुद्ध सम्पत्ति शुद्धीकरणको मुद्धा दायर गरेको थियो। 
विभागले दायर गरेको मुद्दामा ३ अर्ब ३१ करोड रुपैयाँ सम्पत्ति शुद्धीकरण गरेको दावी गरिएको छ। यस्तै, तामाङकी श्रीमती सिर्जना शाक्यले १ अर्ब ३ करोड रुपैयाँ सम्पत्ति शुद्धीकरण गरेको विभागको दाबी छ।
तामाङका छोरीहरु प्रतिक्षासँग ६ करोड २२ लाख र प्रतिशाले १ करोड ८९ लाख ,सहकारीका तत्कालीन अध्यक्ष केशवलाल श्रेष्ठले २६ करोड रुपैयाँ सम्पत्ति गैर कानुनी देखिएको अभियोगपत्रमा दाबी गरिएको छ। कूल बिगो ५ अर्ब ६७ करोड ५५ लाख रुपैयाँ दाबी गरिएको छ।