मृत अवस्थाको चितुवा गुल्मीमा फेला
गुल्मी जिल्लाको इस्मा गाउँपालिका– २ पालुखास्थित जंगलमा मृत अवस्थामा चितुवा फेला परेको छ ।
जंगलमा चितुवा मृत फेला परेपछि स्थानीयले वन कार्यालयलाई खबर गरेका थिए।
मृत अवस्थामा फेला परेको चितुवालाई डिभिजन वन कार्यालय गुल्मीलाई जिम्मा लगाइएको वडाअध्यक्ष लोकनाथ आचार्यले बताए ।
चितुवाको मुखमा चोट लागेको अवस्थामा फेला परेको डिभिजन वन कार्यालय गुल्मका सहायक वन अधिकृत पंकजकुमार ठाकुरले बताए ।
दुईवटा चितुवा एक आपसमा लडने क्रममा मृत्यु भएको हुनसक्ने अनुमान गरिएको उनले बताए ।
चितुवालाई अन्य कुनै पासो थाप्नेलगायतका क्रियाकलाप नभेटिएको डिभिजन वन कार्यालय गुल्मीले जनाएको छ ।
प्रकाशित मिति: शनिबार, माघ ६, २०८० १३:०३
प्रतिक्रिया दिनुहोस्
थप समाज
