राष्ट्रियसभा निर्वाचन
आफ्ना उम्मेद्वारलाई जिताउन सत्ता गठबन्धल दलले बनाए समिति, बुधवार वैठक बस्दै
राष्ट्रीय सभा निर्वाचनमा सत्ता गठबन्धनबाट उम्मेदवार बनेकालाई जिताउन समिति गठन भएको छ । समितिले सत्ता गठबन्धनबाट उठेका उम्मेदवारहरुलाई राष्ट्रिय सभामा जिताउन आवश्यक समन्वय गर्नेछ ।
मंगलवार साँझ बसेको सत्ता गठबन्धनको बैठकले नेपाली कांग्रेसका नेता रमेश लेखक, नेकपा माओवादी केन्द्रबाट वर्षमान पुन, नेकपा एकीकृत समाजवादीबाट राजेन्द्र पाण्डे र जनता समाजवादी पार्टीका मनिष सुमन सम्मिलत समन्वय समिति गठन गरेको हो ।
समितिले राष्ट्रियसभा निर्वाचनमा सत्ता गठबन्धनका १९ जना उम्मेदवारलाई विजयी गराउन समन्वय गर्ने जसपाका प्रवक्ता मनिष सुमनले जानकारी दिनुभयो ।
उहाँका अनुसार समितिको पहिलो बैठक बुधबार दिउँसो २ बजे सिंहदरबारमा बस्नेछ ।
प्रकाशित मिति: मंगलबार, पुस २४, २०८० २१:३३
प्रतिक्रिया दिनुहोस्
थप समाज
