सर्लाहीमा नगर अस्पतालका विषयमा भएको विवाद झडपमा परिणत हुँदा एक जनाको मृत्यु भएको छ।

बरहथवा नगरपालिकास्थित नगर अस्पताल सञ्चालनको विषयमा झडप हुँदा बरहथवा नगरपालिका वडा नम्बर ६ का २७ वर्षीय जयशंकर साहको मृत्यु भएको प्रमुख जिल्ला अधिकारी कोमलप्रसाद धमलाले जानकारी दिनुभयो । 

आज शुक्रबार दिउँसो ३  बजेदेखि स्थानीय बासिन्दा र प्रहरीबीच झडप भएपनि प्रर्दशनकारीले सरकारी सम्पत्तिमाथी तोडफोड गरेपछि प्रहरीले हस्तक्षेप गरेको थियो ।

उक्त झडपमा मृत्यु भएका प्रर्दशनकारीको कसरी मृत्यु भयो भन्नेवारे अहिलेसम्म पुष्टी भएको छैन । प्रहरीले गोली नचालाएको र अश्रुग्यास मात्र हानेको दावी गरेको छ ।

शबलाई प्रर्दशनकारीले नियन्त्रणमा राखेका कारण थप विस्तृत जानकारी लिन नसकिएको स्थनिय प्रशासनले जनाएको छ । 

स्थानिय प्रशासनले अवस्था थप विग्रन सक्ने भन्दै करफ्यू आदेश जारी गरेको छ । प्रमुख जिल्ला अधिकारी  धमलाले एक सूचना जारी गर्दै कर्फ्यू लगाएको जानकारी दिनुभयो । उहाँका अनुसार आज बेलुका साढे ५ देखि भोलि बिहान ८ बजेसम्‍म स्थानीय प्रशासन ऐन, २०२८ को दफा ६ ९क० ९१० ९३० बमोजिम कर्फ्यू आदेश जारी गरिएको हो ।