अष्ट्रेलियाको पर्थ सहरमा प्रवासी नेपालीहरुको संगठन प्रवासी नेपाली मञ्च पश्चिम अष्ट्रेलियाले एक नेपाली टोपी दिवस तथा नयाँबर्ष २०२४ को अवसरमा बिशेष कार्यक्रम सम्पन गरेको छ । उक्त समारोहमा विभिन्न खेलकुद प्रतियोगिता समेत आयोजना गरिएको थियो । 
नेपाली समुदायहरुबीच सदभाव र नेपालीपन साटासाट गर्न विदेशमा बसेपनि  टोपी दिवसलाई उच्च महत्व दिएर विशेष कर्यक्रम आयोजना गरिएको टोपी दिवस र अग्रेजी नयाँ बर्ष पारेर शुभकामना आदान प्रदान गरिनुका साथै खेलकुद प्रतियोगितमा विभिन्न विधामा  प्रवासी नेपाली मंचका राष्ट्रिय सल्लाहकार एवं एनआरएनएका अन्तराष्ट्रिय कमिटिका सल्लाहकार भैरब ढकालले बताउनुभयो । 

मञ्चका  अध्यक्ष तेजेंद्र बिक्रम मल्लको सम्योजकत्वमा भएको उक्त कार्यक्रममा मञ्चका सचिब गोपाल घिमिरे,  सिटी अफ अर्माडेल काउन्सिलका काउन्सिलर शानाभास पिटर ,ओ एन एफ ओसियाना कमिटीका सदस्य मधु पन्थि, ओ एन एफ अष्ट्रेलिया कमिटी का उपसचिब तथा पस्चिम अष्ट्रेलिया इन्चार्ज होमनाथ निरौला ,मंचका सल्लाहकार तथा एन आर एन ए वेष्ट्रन अष्ट्रेलियाका पुर्ब कोर्डिनेटर कृष्णमान श्रेष्ठ ,  एन आर एन ए वेष्ट्रन अष्ट्रेलियाका कोर्डिनेटर शेखर घिमिरे लगायतले विदेशमा रहेर पनि नेपाललाई चिनाउन आफुहरु सदैव लागि पर्ने धारणा राखेका थिए ।  

कार्यक्रममा खेलकुदका विभिन्न विधामा बिजयी भएकाहरुलाई ओ एन एफ राष्ट्रीय कमिटी का उपसचिब होमनाथ निरौलाले पुरस्कार बितरण गर्नुभएको थियो । कार्यक्रममा सहभागी  एनआरएनएका  महेश लामा, बिर्रेन्द्र उदास , मनिष सिग्देल, मीमसुभ गुरुंग , एकराज राई , दिपक पराजुली , यादव शर्मा,  समुन्द्र पुरी लगायतले नेपाल र नेपालीको पहिचान उजागर गर्न सवै गैरआवासीय नेपालीहरु एक जुट हुनुपर्नेमा जोड दिनुभयो ।

उक्त कार्यक्रममा बिदेशी समेत नेपाली टोपी लगाएर दंग परेका थिए भने फाटो खिच्न अष्ट्रेलियन रैथानेहरुको भिड लागेको थियो । विदेशी नागरिकहरुले नेपालीको समुदायले आयोजना गरेको उक्त कार्यक्रमबाट नेपालवारे धेरै कुरा सिक्न पाएको प्रतिक्रिया दिएको मंचका राष्ट्रिय सल्लाहकार ढकालले बताउनुभयो । 

अष्ट्रेलियाका विभिन्न राज्यमा होटल तथा रेष्टुरेण्ट व्यवसायीका रुपमा ख्यति कमाएका भैरब ढकालले गैरआवासीय नेपालीहरुका तर्फबाट विभिन्न कार्यक्रम आयोजना गर्दै आएका छन् । ढकालले नेपालबाट गएका थुप्रै नेपालीलाई रोजगारी दिएका छन् भने नेपालमा समेत पर्यटन विकासमा के्ही रणनीति लगानी भित्रयाउन पहल गरिरहेको उनका भाई कमल ढकालले जानकारी दिए ।