आफ्नै श्रीमतीको हत्या अभियोग लागेका जनकपुरका मोतीबाबु साहलाई प्रहरीले पक्राउ गरेको छ ।
जनकपुरकी आरती साह मृत्यु प्रकरणमा उनका पति मोतीबाबु साहलाई प्रहरीले जनकपुरधामको सीताचोकस्थित सगुन होटेलबाट आज विहान नियन्त्रण लिएको हो ।
उनलाई आवश्यक प्रक्रिया पुरा गरी करागार चलान गरिने धनुषाका प्रहरी प्रमुख एसपी मित्रबन्धु शर्माले जानकारी दिनुभयो ।
गत मंसिर २० गते सर्वोच्च अदालतले आरतीका पति मोतीबाबुलाई पुनः पुर्पक्षको लागि थुनामा पठाउने आदेश दिएको थियो । यद्यपी अदालतको आदेशपछि पनि उनी फरार भएका थिए ।
गत जेठ ७ गते जनकपुरधाम उपमहानगरपालिका–९ स्थित थापाचोकमा आफ्नै घरमा झुण्डिएको अवस्थामा आरती मृत भेटिएकी थिइन्।
उनको हत्या गरि परिवारका सदस्यहरुले झुण्डाएको माइती पक्षले दावी गर्दे आएका छन् ।
तत्काल प्राप्त प्रमाणका आधारमा उनको आत्महत्या नभई हत्या भएको हुन सक्ने आशंका अदालतले मृतकका पति मजोजवावुलाई मुद्धाको टुंगो नगालेसम्म थुनामा पठाउन आदेश दिएको थियो ।
