बेल्जियम राष्ट्रिय फूटबल टोलीका नम्बर वान गोलकिपर थिबाउड कोर्टोवासले ६ महिनापछि जर्मनीमा शुरू हुने युरोकप नखेल्ने घोषणा गरेका छन् ।
यसको जानकारी एउटा बेल्जियन सञ्चारमाध्यमसँगको उनी आफैँले दिएका हुन् । ‘घाइते भएका कारण म युराकपमा हुनेछैन,’ उनले भनेका छन् ।
कोर्टोवास गत असस्टमा घाइते भएका थिए । तर उनी आगामी २०२४ को जुनसम्म पनि ठीक नहुने भएका हुन् ।
आगामी वर्षको जुन १४ मा शुरू हुने प्रतियोगितामा बेल्जियम समूह ‘ई’मा छ । यस समूहमा रोमानिया, स्लोभाकिया र प्ले अफको विजेता एक टोली रहनेछन् ।
सन् २०१८ को विश्वकपमा बेल्जियमले अहिलेसम्मकै सबैभन्दा राम्रो नतिजा ल्याउँदै तेस्रो स्थान हासिल गरेको थियो । यसमा कोर्टोवासको योगदान महत्वपूर्ण रह्यो ।
उनी प्रतियोगिताका सर्वोत्कृष्ट खेलाडी घोषित भए ।
यही प्रदर्शनका आधारमा युरोपको सबैभन्दा सफल क्लब रियल म्याड्रिडले कोर्टोवासका लागि महंगो मूल्य खर्चिएको थियो ।
युरोकपमा उनको अनुपस्थिति बेल्जियमका लागि खड्किने छ ।
