वैवाहिक समारोहमा ५१ जनालाई मात्र सहभागी गराउन सकिने नेपालको कानूनी व्यवस्था छ ।
तर यो कानूनको सरकारमा रहेका नेता, मन्त्री, मेयर मात्र होइन कसैले पनि पालना गरेको छैन ।
आफूलाई सर्वहारा वर्गको प्रतिनिधि भन्ने कम्युनिष्ट प्रधानमन्त्री प्रधानमन्त्री पुष्पकमल दाहाल प्रचण्डले नै कानूनविपरीत नातिनीको भड्किलो विवाह गराएका छन् ।
हिजोमात्रै कम्यनिष्ट नेता विरोध खतिवडाले आफ्नी छोरी एंव पूर्व मिस नेपाल श्रृंखला खतिवडाको,कान्तिपुर मिडिया ग्रुपका प्रवन्ध निर्देशक सम्भव सिरोहियाको तामझामसहित ह्यात होटलमा विवाह गराएका थिए ।
प्रधानमन्त्री प्रचण्डकी छोरी भरतपुर महानगरपालिकाकी मेयर रेनु दाहालले आफ्नी छोरी प्रतिभाको गोरखाका विज्ञानबाबु रेग्मीसँग धुमधामसँग गोकर्ण फरेस्ट रिसोर्टमा विहेबारी गराएकी छन् ।
प्रतिभाले बेलायतबाट उच्च शिक्षा हासिल गरेकी हुन् भने विज्ञानले अक्सफोर्ड विश्वविद्यालयबाट इकोनोमिक डेभलपमेन्टमा स्नातकोत्तर अध्ययन गरेका छन् ।
