भारतको सबैभन्दा ठूलो राज्य उत्तर प्रदेशकी पूर्वमुख्यन्त्री तथा बहुजन समाज पार्टीकी प्रमुख मायावतीले आफ्नो उत्तराधिकारी आफ्नै भदाहा आकाश आनन्दलाई घोषित गरेकी छन् ।

आकाश मायावतीका दाजु आनन्द कुमारका छोरा हुन् ।

बीएसपीका नेता उदयवीर सिंहले समाचार एजेन्सीहरुलाई आइतबार यो जानकारी गराएका हुन् ।

पार्टीभित्र र समग्र यूपीमा बहनजी नामले चिनिने दलित नेता मायावतीले आफ्नो शेषपछि आकाश आनन्द पार्टीको उत्तराधिकारी हुने निर्णय सुनाएकी छन् ।

यूपी र झारखण्डमा राम्रो पकड रहेको बीएसपीमा आसन्न लोकसभा चुनावअघि उनी उत्तराधिकारी बन्ने आँकलन गरिएको थियो ।

भारतको केन्द्रीय संसदमा ८ सीट रहेको बीएसपी दलितहरुको पार्टीको रुपमा चिनिन्छ ।