आज पनि सुनुवाइ भएन सन्दिपको मुद्धा
क्रिकेटर सन्दीप लामिछानेविरुद्धको बलात्कार मुद्दामा आज आइतबार पनि सुनुवाइ नहुने भएको छ ।
आइतबार काठमाडौं जिल्ला अदालतका न्यायाधीश पदमराज पाण्डेयको इजलासमा पहिलो नम्बरमै पेसी चढेको भए पनि सन्दीपका वकिलले स्थगित गर्न निवेदन दिएका हुन् ।
सन्दीपको पक्षमा बहस गर्ने कानुन व्यवसायी नेपाल बार
एसोसिएसनको सम्मेलनका लागि चितवनमा रहेकाले स्थगनको निवेदन दिएको अधिवक्ता मुरारी सापकोटाले बताए ।
यसअघि कात्तिक २३ गते इजलासले दुवै पक्षका कानुन व्यवसायीलाई बहस नोट बुझाउन आदेश दिएको थियो ।
एक महिनाभित्र बहस नोट बुझाउन भनेको र बहस नोट पनि बुझाइसकेकाले आइतबार फैसला हुने सम्भावना भए पनि सुनुवाइ नै अगाडि बढ्न सकेन ।
प्रकाशित मिति: आइतबार, मंसिर २४, २०८० १४:०५
प्रतिक्रिया दिनुहोस्
थप समाज
