सरकारले विशेष अदालतको अध्यक्षसहित सदस्य पदमा सिफारिस भएका व्यक्तिहरुलाई जिम्मेबारी तोक्ने निर्णय गरेको छ। न्याय परिषदको सिफारिस अनुसार उनीहरुलाई तोक्ने निर्णय गरेको हो । 
मंसिर ५ गते बसेको न्याय परिषद्को बैठकले विशेष अदालतमा नयाँ टिम सिफारिस गरेको थियो । विशेष अदालतका अध्यक्ष श्रीकान्त पौडेललाई मुख्य न्यायाधीशमा नियुक्त गरेपछि रिक्त रहेको थियो । परिषद्को बैठकले विशेष अदालतका अध्यक्ष टेकनारायण कुँवरलाई नियुक्तिका लागि सिफारिस गरेको थियो । कुँवर उच्च अदालतका न्यायाधीश हुन्।  
त्यस्तै विशेष अदालतको सदस्यमा तेजनारायणसिंह राई, रामबहादुर थापा, मुरारीबाबु श्रेष्ठ, रितेन्द्र थापालाई नियुक्तिका लागि सिफारिस गरिएको थियो । उनीहरुलाई पनि नियुक्ती गर्ने निर्णय मन्त्रीपरिषदले गरेको छ। ्खुसीप्रसाद थारु भने सदस्यमा यथावत् छन्। अव प्रधानन्यायाधीशले सपथ गराउदै उनीहरुले जिम्मेबारी सम्हाल्ने छन् । विशेषमा ललिता निवाससहित केही ठुला भ्रष्टाचार मुद्दा विचाराधिन रहेका छन् । 
सैनिक अदालतको अध्यक्षमा पौडेल 
त्यस्तै मन्त्रीपरिषदको वैठकले सैनिक विशेष अदालतको अध्यक्षमा उच्च अदालत पाटनका न्यायाधीश लेखनाथ  पौडेललाई तोक्ने निर्णय गरेको छ। सैनिक अदालतमा तीन न्यायाधीशको इजलास हुन्छ । दुई जना सैनिक प्राड विभागवाट सहभागी हुन्छन । सैनिकहरुलाई कोट मार्शलका लागि इजलास गठन हुन्छ ।