कपिलवस्तुको जगदीशपुर तालमा मोटरबोट सञ्चालनमा रोक लगाइएको छ ।

चराको वासस्थान बिथोलिएको, जैविक विविधता र वातावरणमा असर पुगेको भन्दै डिभिजन वन कार्यालयले मोटरबोट सञ्चालनमा रोक लगाएको जगदीशपुर जलाशय व्यवस्थापन बहुउद्देश्यीय सरोकार मञ्चले जनाएको छ । 

कार्तिक २८ गते देखि तालमा मोटरबोट सञ्चालनमा रोक लगाइएको हो । १५७ हेक्टरमा फैलिएको तालमा हिउँदमा बर्सेनि १५ देखि २० हजार पानी चराले आश्रय लिने गर्छन् । विश्व सिमसार क्षेत्रमा सूचीकृत जगदीशपुर ताल नेपालकै दोस्रो पक्षी आरक्ष हो । 

हिउँदको समयमा मध्य एसियासहित चीन, रुस, मंगोलिया र युरोपबाट चरा आउने गर्छन् ।