संस्कृति, पर्यटन तथा नागरिक उड्डयन मन्त्री सुदन किरातीले ऐतिहासिक तथा पुरातात्त्विक स्थल तिलौराकोट प्राचीन कपिलवस्तु छिट्टै विश्व सम्पदास्थलमा सूचिकृत हुने बताएका छन् ।

आज तिलौराकोटमा भइरहेको अध्ययन अनुसन्धान र सरसफाइ कामको निरीक्षणपछि मन्त्री किरातीले तिलौराकोटको विकास र संरक्षणका लागि राष्ट्रिय गौरवको योजनाका रूपमा अघि सारेर काम भइरहेको बताए ।

तिलौराकोटमा १० वर्षदेखि विदेशी विज्ञ विशेषज्ञको अगुवाइमा भइरहेको पुरातात्त्विक अध्ययन र अन्वेषणले धेरै महत्त्वपूर्ण तथ्य बाहिर ल्याएको छ ।

तिलौराकोटलाई विश्व सम्पदा सूचिमा राख्ने प्रक्रिया गत नोभेम्बरबाट सुरु भइसकेको छ । 

२०२४ को फ्रेबुअरीमा अन्तिम चरणको मनोनयन दस्ताबेज बुझाउने तयारी भइरहेको छ ।

सन् २०२५ सम्ममा विश्व सम्पदास्थलमा सूचिकृत हुने लक्ष्य राखिएको छ । 

तिलौराकोट शाक्यवंशीय राजधानी तथा राजकुमार सिद्धार्थले बाल्यकाल र युवावस्था बिताएको महत्त्वपूर्ण स्थल हो ।