एप्पलको ब्रान्ड भ्यालु ४ प्रतिशतले बढेर पहिलो पटक ५०२ बिलियन डलर नाघेको छ ।
इन्टरब्रान्डले २०२३ को लागि “सर्वश्रेष्ठ ग्लोबल ब्रान्डहरू” मा आफ्नो वार्षिक प्रतिवेदन प्रकाशित गरेको छ । जसले शीर्ष वैश्विक कम्पनीहरूलाई तिनीहरूको ब्रान्ड मूल्य अनुसार र्याकिंग गरिएको छ। पछिल्लो चार्टमा अपरिवर्तित शीर्ष पाँचमा एप्पल नेतृत्वमा रहेको छ ।
यसपछि माइक्रोसफ्ट, अमेजन, गुगल र सामसङले त्यही क्रममा पछ्याउँछन् । सामसङ २०२० मा शीर्ष पाँचमा परेको छ र लगातार चौथो वर्ष आफ्नो स्थानमा कायम छ ।
इन्टरब्रान्डको पछिल्लो रिपोर्ट अनुसार सन् २०२३ मा एप्पलको ब्रान्ड भ्यालु ४ प्रतिशतले बढेर पहिलो पटक ५०२ बिलियन डलर नाघेको हो ।
माइक्रोसफ्टले यसलाई ३१६ बिलियन डलरसहितको ब्रान्ड मूल्यको साथ एप्पललाई दोस्रो स्थानबाट पछ्याउँछ । प्रतिवेदन अनुसार विन्डोज निर्माताको मूल्य गत वर्षमा १४ प्रतिशतले उकालको लागेको छ ।
तेस्रो र चौथो स्थानमा रहेको अमेजन र गुगलबीच धेरै ठूलो भिन्नता छैन, तिनीहरूको मूल्य क्रमशः २७६ बिलियन डलर र २६० बिलियन डलरमा रहेकोछ। यसबीचमा गुगलले ३ प्रतिशतको वृद्धि दर्ता गर्यो जुन ई–कमर्स विशालको १ प्रतिशत मूल्य वृद्धिको विपरित थियो। यदि इन्टरनेट जायन्टले यो वृद्धि दर आगामी दिनमा कायम राख्नसक्यो भने, यसले चाँडै अमेजनलाई तेस्रो स्थानमा उछिनेछ।
सामसङ, जसले विगत एक दशकमा लगातार सीढी चढेको छ, गुगल वा अमेजनलाई चुनौती दिन अघि लामो यात्रा गर्न बाँकी छ। कोरियाली बेहेमोथ २०१२ मा नवौं स्थानमा थियो तर २०२० मा पाँचौं स्थानमा पुग्यो। सामसङको ब्रान्ड मूल्य २०२३ मा ४ प्रतिशतले बढेर ९१ बिलियन डलर पुगेको छ।
इन्टरब्रान्डका अनुसार अर्को पाँच ठूला ग्लोबल ब्रान्डहरूमा टोयोटा, मर्सिडीज–बेन्ज, कोका–कोला, नाइकी, र बीएमडब्लु क्रमशः छन्। सबैभन्दा उल्लेखनीय कुरा, बीएमडब्लु शीर्ष १० मा पर्न तीन स्थान उक्लेको छ ।
जर्मन अटोमेकरको ब्रान्ड मूल्य यो गत वर्ष १० प्रतिशतले बढेर ५१ बिलियन डलरमा पुगेको इन्टरब्रान्डको प्रतिवेदनले जनाएको छ ।
