संयुक्त राष्ट्रसंघले सन् २०२३ को अन्त्यसम्ममा पृथ्वीको तापक्रम वृद्धि २ दशमलव ९ डिग्री सेल्सियससम्म पुग्नसक्ने अनुमान गरेको छ ।
पर्यावरण कार्यक्रमको वार्षिक उत्सर्जन रिक्तता रिपोर्ट जारी गर्दै संयुक्त राष्ट्रसंघले यस्तो अनुमान सार्वजनिक गरेको हो ।
दुबईमा कोप–२८ जलवायु वार्ताको ठिकअघि संयुक्त राष्ट्रसंघले पृथ्वीको तापक्रम वृद्धिले चुनौतिपूर्ण अवस्था सिर्जना हुनसक्ने अनुमान सार्वजनिक गरेको हो ।
कार्बन उत्सर्जन कटौती गर्ने देशहरूको योजनाबारे ध्यानाकर्षण गर्दै संयुक्त राष्ट्रसङ्घले पृथ्वीमा सन् २०२३ सम्ममा २ दशमलव ५ डिग्री सेल्सियसदेखि २ दशमलव ९ डिग्री सेल्सियस तापक्रम वृद्धि हुने जनाएको छ।
प्रतिवेदनमा अहिलेसम्म तापक्रम वृद्धि रोक्न गरिएका प्रयास असफलतातर्फ उन्मुख रहेको उल्लेख गरिएको छ।
अहिले पृथ्वीको वायुमण्डलको तापमानवृद्धि एक दशमलव ४ डिग्री सेल्सियस छ। संयुक्त राष्ट्रसङ्घले विश्वको तापक्रम वृद्धि एक दशमलव ५ डिग्री सेल्सियसमै सीमित गर्नुपर्ने बताउँदै आएको छ।
विश्वका विकसित देशहरुको कारण कार्वन उत्सर्जन बढिरहेको निष्कर्ष वैज्ञानिकहरुले निकालेका छन्।
