पर्यटक आगमनमा इतिहासकै रेकर्ड ब्रेक भएको छ । सन् २०२३ अक्टोबर, एक महिनामा आएका पर्यटकको संख्याले रेकर्ड तोडेको हो ।
पर्यटन बोर्डका अनुसार अक्टोबरमा एक लाख १७ हजार ३०७ पर्यटक नेपाल घुम्न आएका छन्। यो एक महिनामा नेपाल आएका पर्यटकको हालसम्मकै उच्च संख्या हो।
यसअघिका महिनाहरूमा मासिक एक लाखसम्म पर्यटक घुम्न आएका थिए। अक्टोबरमा भने पर्यटकको ’फ्लो’ बढेको छ। कोभिडअघिको तुलनामा अक्टोबरमा १०६.०४ प्रतिशतले बढेको बोर्डले जनाएको छ।
कोभिडअघि अर्थात् सन् २०१९ को अक्टोबरमा एक लाख १० हजार ६२२ अर्थात् करिब ११ लाख पर्यटक आएका थिए।
त्यसपछि क्रमशः २०२० मा एक हजार ८३१, सन् २०२१ मा १५ हजार ७१५ र सन् २०२२ मा ५२ हजार १२१ पर्यटक आएका थिए।
तथ्यांकअनुसार सन् २०२३ को जनवरीदेखि अक्टोबरसम्ममा आठ लाख ९ हजार ६७८ पर्यटक भित्रिएका छन्।
कुन मुलुकबाट कति पर्यटक भित्रिए?
भारत ः १८ हजार ४८०
अमेरिका ः १४ हजार ८७९
बेलायत ः ८ हजार २१७
चीन ः ६ हजार ८८०
अष्ट्रेलिया ः ६ हजार ०७५
जर्मनी ः ५ हजार ९१६
फ्रान्स ः ५ हजार २७१
बंगलादेश ः ४ हजार २९२
श्रीलंका ः २ हजार ५०७
इटाली ः २ हजार ४६७
