लेबनानमा शान्ति सेनामा खटिएका एक नेपाली सैनिक गोली लागेर घाइते
संयुक्त राष्ट्रसंघको शान्ति मिसनमा खटिएका एकजना नेपाली सैनिक लेबनानमा गोली लागेर घाइते भएका छन् ।
घाइते हुने नेपाली सैनिकको नाम र ठेगाना भने खुलाइएको छैन ।
इजरायल र हमासबीचको तनावकाबीच दक्षिणी लेबनानमा खटिएको बेला संयुक्त राष्ट्रसंघमा कार्यरत ती नेपाली शान्ति सैनिक घाइते भएका हुन् ।
संयुक्त राष्ट्र संघको अन्तरिम बल लेबनानका प्रवक्ता एन्ड्रिया टेनेन्टीले गोली लागेर एकजना नेपाली सैनिक सामान्य घाइते भएको जानकारी दिएका छन् ।
लेबनानको आधिकारिक राष्ट्रिय समाचार संस्था नेशनल न्यूज एजेन्सी (एनएनए) ले पनि नेपाली शान्ति सैनिकको पेट र हातमा गोली लागेको जनाएको छ ।
प्रकाशित मिति: आइतबार, कात्तिक १२, २०८० ०९:२५
प्रतिक्रिया दिनुहोस्
थप समाज
