गाजामा बन्धक दुई जनाको रिहाइ हुदै : परराष्ट्र मन्त्रालय
परराष्ट्र मन्त्रालयले गाजामा बन्धक रहेका दुई जनाको रिहाइ गरिनु सकारात्मक रहेको बताएको छ ।
मन्त्रालयले शुक्रबार जारी गरेको विज्ञप्तिमा प्यालेस्टाइनी हमास समूहले बन्धक बनाएका दुई जनाको रिहाइ गरिनु सकारात्मक घटना भएको उल्लेख छ ।
मन्त्रालयले रिहाइको लागि कतार र संलग्न अन्यको कूटनीतिक प्रयासको प्रशंसा समेत गरेको छ ।
यस्तै मन्त्रालयले नेपाली नागरिक विपिन जोशी ७ अक्टोबरदेखि दक्षिणी इजरायलमा भएको आक्रमणको दिनदेखि बेपत्ता भएको र उनको अवस्था अझै अज्ञात रहेको उल्लेख गरेको छ ।
मन्त्रालयले जोशी र अन्य निर्दोष बेपत्ता नागरिकहरूको सुरक्षाका लागि आह्वान समेत गरेको छ ।
प्रकाशित मिति: शुक्रबार, कात्तिक १०, २०८० २०:३८
प्रतिक्रिया दिनुहोस्
थप राजनीति
