यूएई विरुद्धको खेलमा नेपालले पायो १४१ रनको लक्ष्य
त्रिकोणात्मक टी ट्वान्टी अन्तर्राष्ट्रिय सिरिजको पहिलो खेलमा युनाइटेड अरब इमिरेट्स यूएईले नेपाललाई १४१ रनको लक्ष्य दिएको छ ।
मुलपानी अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको यूएईले निर्धारित २० ओभरमा ७ विकेट गुमाएर १४० रन बनायो ।
यूएईका लागि बासिल हमिदले ५१ रन तथा अली नासरले ३२ रनको योगदान गरे । कप्तान मुहम्मद वासिम १७, आसिफ खान १५, आलिसान शाराफु ६ रन तथा मोहम्मद फराजुदिन र खालिद शाह शून्य रनमा आउट भए ।
नेपालका लागि करण केसीले ३, गुल्सन झाले २ विकेट तथा अविनाश बोहरा र सोमपाल कामीले १(१ विकेट लिए ।
आजको खेलमा सन्दीप लामिछाने छैनन । उनको ठाँउमा मौसम ढकालले खेलेका छन् ।
प्रकाशित मिति: बुधबार, कात्तिक १, २०८० १५:०४
प्रतिक्रिया दिनुहोस्
थप खेल
साताको लोकप्रीय
-1726459689.jpg)
