सवारी चालक अनुमतिपत्र (लाइसेन्स)को नवीकरण, वर्ग थप र राजस्व भुक्तानी अनलाइन प्रक्रियाबाटै गर्न सकिने भन्दै भौतिक पूर्वाधार तथा यातायातमन्त्री प्रकाश ज्वालाले नाटक प्रर्दशन गरेका छन् ।
नेपालभर लाग्ने रकम अनलाइनबाट होला तर मानसिक रुपमा त्राहिमाम पार्ने दलालीहरुलाई भने नहटाउदा सर्वसाधारण मारमा पर्नेको विकल्प छैन ।
आज बिहीबार ललितपुरको एकान्तकुनामा सवारी चालक अनुमतिपत्रको अनलाईन राजश्व भुक्तानी सहितको विधुतीय सेवा प्रवाह प्रणाली विस्तार सेवाको भौतिक पूर्वाधार तथा यातायातमन्त्री प्रकाश ज्वाला र बागमती प्रदेशका श्रम रोजगार तथा यातायातमन्त्री लक्ष्मण लम्सालले शुभारम्भ गर्नुभयो ।
विधुतीय सेवा प्रवाह प्रणाली विस्तार सेवाको शुभारम्भ गर्दै भौतिक पूर्वाधार तथा यातायातमन्त्री प्रकाश ज्वालाले जनतालाई सहज रुपमा सेवा दिनका लागि सेवा शुभारम्भ सुरु गरिएको बताउनुभयो ।
उहाले सहयोगका नाममा सेवाग्रहीहरुलाई दुख दिने काम गरेको भन्दै कर्मचारीहरुले नै यसलाई नियन्त्रण गर्नुपर्ने धारणा राख्नुभयो ।
कर्मचारीहरुले सेवाग्राहीलाई सहज रुपमा सेवा दिन विचौलियाहरु कम हुँदै जाने उहाको भनाइ छ । त्यस्तै मन्त्री ज्वालाले आगामी ६ महिनामा सवारी चालक अनुमतिपत्र बितरणको काम सहज हुने बताउनुभयो ।
छिटै १२ लाख स्मार्ट लाइसेन्स आउने र त्यसपछि स्मार्ट लाइसेन्सको अभाव हट्ने दावी गर्नुभयो ।
त्यस्तै बागमती प्रदेशका श्रम रोजगार तथा यातायातमन्त्री लम्सालले बर्षमा औसत ६ लाख यातायात कार्यालयमा आउने गरेको भन्दै उनीहरुलाई सहज रुपमा सेवा दिन कर्मचारीहरु तत्पर हुनुपर्ने बताउनुभयो ।
यातायात कार्यालयप्रति जनमानसको सोचाईलाई परिवर्तन गर्न जरुरी रहेको उहाको भनाइ छ ।
उहाले यातायात सम्बन्धी सम्पूर्ण सेवाहरुलाई सहज रुपमा बढाउनका लागि आवश्यक तयारी भइसकेको बताउनुभयो । सरकारले उपत्यकापछि देशैरभर यातायात कार्यालयलाई अनलाइन मैत्री बनाउने तयारी गरेको छ ।
