सरकारले आज मंगलबार राष्ट्रिय शोक घोषणा गरेको छ । इजरायलमा हमास समूहको आक्रमणमा परी १० नेपालीको निधन भएकोमा सरकारले आज राष्ट्रिय शोक घोषणा गरेको हो । 

आज देशभरका सरकारी कार्यालयहरूमा र विदेशस्थित नियोगमा झन्डा आधा झुकाइने छ ।

 
हिजो सोमबार बसेको मन्त्रिपरिषद् बैठकले  असोज २३ आज मंगलबारलाई राष्ट्रिय शोक घोषणा गरी देशभरका सरकारी कार्यालयहरूमा र विदेशस्थित नियोगमा झन्डा आधा झुकाउने निर्णय गरेको थियो । 

यस्तै हमासको आक्रमणमा परी ज्यान गुमाएकाको परिवारलाई १०–१० लाख राहत दिने निर्णय पनि सरकारले गरेको छ । 

गाजा क्षेत्रबाट हमासले गत शनिबार इजरायली क्षेत्रमा गरेको आक्रमणमा परी १० जना नेपालीको मृत्यु भएको छ ।