बझाङ भूकम्पबारे छलफल गर्न प्रधानमन्त्री प्रचण्डले आज बोलाए बैठक
प्रधानमन्त्री पुष्पकमल दाहाल ‘प्रचण्ड’ले राष्ट्रिय विपद् जोखिम न्यूनीकरण तथा व्यवस्थापन प्राधिकरणको बैठक आज विहिबार बोलाएका छन् ।
अस्ति मंलबार बझाङ केन्द्रबिन्दु भएर गएको भूकम्प, त्यसबाट भएको क्षति र सरकारको कार्ययोजनाबारे छलफल गर्न उनले प्राधिकरणको बैठक बोलाएका हुन् ।
आज बिहीबार बस्ने बैठकमा भूकम्पबाट भएको क्षति, राहत, पुनःस्थापनालगायत विषयमा छलफल हुने प्रधानमन्त्री दाहालको सचिवालयले जनाएको छ ।
प्रधानमन्त्री दाहालले हिजो बझाङका जनप्रतिनिधि र राजनीतिक दलका नेता बोलाएर भूकम्पबाट भएको क्षतिका बारेमा जानकारी लिएका थिए ।
मङ्गलबार अपराह्न २ बजेर ४३ मिनेटमा बझाङ केन्द्रबिन्दु भएर ६ दशमलव ३ रेक्टर स्केलको भूकम्प गएको थियो ।
भूकम्पबाट बझाङमा १ जनाको मृत्यु भएको छ । भने विभिन्न किसिमका सरकारी तथा निजी घरहरु भत्किएका छन् ।
प्रकाशित मिति: बिहीबार, असोज १८, २०८० ०६:४५
प्रतिक्रिया दिनुहोस्
थप समाज
