एमाले प्रदेश अधिवेशन
एमाले कोशी प्रदेश अधिवेशनमा मतदान सकियो, मतगणना आजै
नेकपा एमाले कोशी प्रदेश कमिटीको नयाँ नेतृत्व चयनका लागि भएको मतदान सकिएको छ ।
हिजो आइतवार राति १० बजेदेखि शुरू भएको मतदान आज सोमबार बिहान ५ बजे सकिएको हो ।
९९७ प्रतिनिधिमध्ये ९७७ जनाले मतदान गरेको निर्वाचन कमिटीका अध्यक्ष चुणामणि आचार्यले जानकारी दिए ।
अध्यक्षका प्रत्यासी विनोद ढकाल र घनश्याम खतिवडा प्यानल नै बनाएर चुनावी मैदानमा छन् ।
गत शुक्रबारदेखि शुरू भएको अधिवेशनले २१५ सदस्यीय नयाँ नेतृत्व चयन गर्ने छन ।
आज बिहानै मतदान सकिए पनि मतगणना भने आज दिउँसोबाट मात्रै शुरू हुने निर्वाचन कमिटीले जनाएको छ ।
यसैबीच गण्डकी प्रदेश अधिवेशन आजबाट शुरू हुँदैछ । अधिवेशन पार्टी अध्यक्ष केपी शर्मा ओलीले उद्घाटन गर्ने कार्यक्रम छ । अधिवेशनका लागि ९०७ जना प्रतिनिधि छनोट भएका छन् । भने कर्णालीमा आज मतगणना हुदैछ ।
प्रकाशित मिति: सोमबार, असोज १५, २०८० ०६:३२
प्रतिक्रिया दिनुहोस्
थप राजनीति
