सरकार र आन्दोलनरत चिकित्सकबीच वार्ता
सरकार र आन्दोलनरत चिकित्सकहरूबीच वार्ता शुरु भएको छ ।
शनिबार अपरान्ह ४ बजे सिंहदरबारस्थित गृह मन्त्रालयमा वार्ता शुरु भएको हो ।
अस्पतालमा चिकित्सक र स्वास्थ्यकर्मीहरूमाथि भएको आक्रमणका घटनाहरू बढेसँगै स्वास्थ्यकर्मीहरू झण्डै एक सातादेखि आन्दोलनमा छन् ।
सरकारले उनीहरूलाई बिहीबार वार्तामा समेत बोलाएको थियो ।
तर आफ्ना माग पूरा नभएको भन्दै उनीहरूले आन्दोलनलाई निरन्तरता दिइरहेका छन् ।
पछिल्लो समय पोखराको मणिपाल अस्पताल, ललितपुरको पाटन अस्पताल, लमजुङ, सुर्खेत र हेडौंडालगायतका जिल्लामा चिकित्सक एवम् स्वास्थ्यकर्मीहरूमाथि आक्रमण भएको थियो ।
प्रकाशित मिति: शनिबार, असोज १३, २०८० १६:०२
प्रतिक्रिया दिनुहोस्
थप समाज
