सर्वोच्च अदालतले प्रधानमन्त्री पुष्पकमल दाहाल प्रचण्डविरुद्ध परेको अदालतको अवहेलना सम्बन्धी मुद्दामा आगामी मंसिर २८ गते निर्णय सुनाउने भएको छ । 
झण्डै सात वर्ष पुरानो मुद्दामा सुनुवाई गर्दै न्यायाधीशहरु ईश्वरप्रसाद खतिवडा र कुमार रेग्मीको इजलासले निर्णय सुनाउने मिति आइतवार घोषणा गरेको हो । 
द्वन्द्वकालीन मुद्दाबारे माओवादी केन्द्रका अध्यक्ष दाहालले २०७३ वैशाखमा विवादास्पद अभिव्यक्ति दिएपछि उहाँको आलोचना समेत भएको थियो ।  

दाहालकोअभिव्यक्तिले अदालतको अवहेलना गरेको भन्दै वरिष्ठ अधिवक्ता दिनेश त्रिपाठी लगायतले सर्वोच्च अदालतमा अवहेला निवेदन दर्ता गरेका थिए ।

लामो समयदेखि सर्वोच्चमा बिचराधीन मुद्दामा आज आइतबार दुवैतर्फको बहस सकिएपछि इजलासले २८ मंसिरमा निर्णय सुनाउने आदेश दिएको हो ।

प्रधानमन्त्री चीन भ्रमण रहेका बेला सर्वोच्च अदालतले आइतवार उहाँविरुद्धको मुद्धामा निर्णय सुनाउने आदेश दिएसँगै राजनीतिक वृतमा विभिन्न अड्कलबाजी शुरु भएको छ ।

कतिपयले दशैतिहारपछि राजनीतिक कोर्ष परिवर्तन हुन सक्ने अनुमान गरिरहेका बेला सर्वोच्चको आजको आदेशलाई समेत उक्त प्रकरणसँग जोडेर विश्लेषण भइरहेको छ ।