यौन उत्पीडनको आरोप लागेका कलाकार तथा कमेडियन रसेल ब्रान्डको विज्ञापनबाट हुने आम्दानी रोक्का गरेको यूट्यूबले बताएको छ ।
कुनै समयको बेलायतको प्रसिद्ध कमेडियन र बोडकास्टरले आफूले सहमति बिना यौन सम्पर्क नगरेको बताएको रोयटर्सले उल्लेख गरेको छ ।
सन्डे टाइम्स न्यूजपेपर र च्यानल फोर टीभीको डकुमेन्ट्री ‘डिस्प्याचेस’ मा चार महिलाले ४८ वर्षिय कलाकार माथि सन् २००६ र २०१३ को बीचमा बलात्कार सहित यौन दुर्व्यवहारको आरोप लगाएको रिपोर्ट आएको थियो ।
लन्डन पुलिसले उनी माथि सन् २००३ देखि यौन उत्पिडनको आरोप प्राप्त गरिरहेको बताएको छ ।
अमेरिकी गायिका केटी पेरीको पूर्व पति ब्रान्डको यूट्यूबमा ६० लाख भन्दा बढी फलोअर्सका साथ आफूलाई पुनर्स्थापित गरेका छन् ।
भर्खरका भिडियोहरूमा फक्स न्यूजका पूर्व होस्ट टकर कार्लसनसँगको अन्तर्वार्ता र कोभिड देखि यूएफओ, सेन्सरशिप र कल्याणका सबै विषयको चर्चामा समावेश थिए ।
गुगल अभिभावक अल्फाबेट इंकको स्वामित्वमा रहेको यूट्यूबले ब्रान्डको च्यानलमा आफ्नो सिर्जनाकर्ता जिम्मेवारी नीति उल्लंघन गरेपछि मनिटाइजेसन (मुद्रीकरण) निलम्बन गरेको बताएको छ ।
‘यदि कुनै निर्माताको अफ–प्लेटफर्म व्यवहारले हाम्रा प्रयोगकर्ताहरू, कर्मचारीहरू वा इकोसिस्टमलाई हानि पुर्याउँछ भने, हामी समुदायलाई जोगाउन कदम चाल्छौं,’ यूट्यूबका प्रवक्ताले भने ।
ब्रान्डले सामाजिक सञ्जालमा एक भिडियो सन्देश जारी गरेका थिए। उनी माथिको आरोप प्रकाशित हुनु अघि ‘धेरै गम्भीर आपराधिक आरोपहरू’ लाई अस्वीकार गरेका थिए ।
