मोरङस्थित पोखरीमा डुबेर २ बालिकाको मृत्यु
मोरङको ग्रामथान गाउँपालिकामा पोखरीमा डुबेर दुई बालिकाको आज शनिबार मृत्यु भएको छ ।
ग्रामथान गाउँपालिका–२ स्थित रम्भा देवको माछा पोखरीमा डुबेर १२ वर्षकी समीक्षा माझी र १० वर्षकी रेजिना खवासको मृत्यु भएको प्रहरीले जानकारी दिएको छ ।
जिल्ला प्रहरी कार्यालय मोरङका प्रवक्ता डीएसपी रन्जनकुमार दाहालका अनुसार बालिकाहरु डुबेर घाइते भएको अवस्थामा शनिबार स्थानीय बासिन्दाले फेला पारेका थिए ।
कोसी अस्पतालमा लगिएका उनीहरुलाई चिकित्सकले मृत घोषित गरेका थिए ।
प्रकाशित मिति: शनिबार, भदौ ३०, २०८० १४:२५
प्रतिक्रिया दिनुहोस्
थप समाज
