नेम्वाङको निधनबाट मर्माहत भएको छु : प्रधानमन्त्री दाहाल
प्रधानमन्त्री पुष्पकमल दाहालले संविधानसभाका अध्यक्ष तथा पूर्वसभामुख सुवास नेम्वाङको निधनले मर्माहत भएको जनाएका छन् ।
महाराजगन्जस्थित शिक्षण अस्पतालमा आज बिहान पुगेर प्रधानमन्त्री दाहालले नेम्वाङप्रति श्रद्धाञ्जली अर्पण गर्दै शोकाकुल परिवारजनमा समवेदना प्रकट गरेका छन् ।
नेकपा (एमाले)का उपाध्यक्ष नेम्वाङको गएराति हृदयाघातका कारण निधन भएको थियो । नेम्वाङको पार्थिव शरीर श्रद्धाञ्जलीका लागि ललितपुरको च्यासलस्थित पार्टी कार्यालयमा राखिएको छ ।
आज दिनभर पार्टी कार्यालयमा उनको पार्थिव शरीर राखिने एमाले नेताहरुले जानकारी दिएका छन् ।
प्रकाशित मिति: मंगलबार, भदौ २६, २०८० १३:०५
प्रतिक्रिया दिनुहोस्
थप राजनीति
