श्रद्धाञ्जली
नेम्वाङको कुर्सीमा माला सहित एमालेको आकस्मिक बैठक
पार्टीका उपाध्यक्ष एवं संसदीय दलका उपनेता सुवासचन्द्र नेम्वाङको असामयिक निधनपछि उनी बस्ने कुर्सीमा माला राखेर एमालेको सचिवालय बैठक शुरू भएको छ ।
नेम्वाङको निधनपछि एमाले मुख्यालय ललितपुरको च्यासलमा बसेको बैठकमा नेम्वाङ बस्ने कुर्सीमा श्रद्धाञ्जलीस्वरूप माला राखिएको तस्वीरमा देख्न सकिन्छ ।
संविधानसभाका अध्यक्ष एवं पूर्वसभामुख नेम्वाङको निधनपछि एमालेको आकस्मिक बैठक बसेको हो ।
आज मंगलबार विहान १ बजे (गएराति) हृदयाघातका कारण निधन भएका नेम्वाङको पार्थिव शरीरलाई श्रद्धाञ्जलीका लागि च्यासल पुयाइएको छ ।
भोली छोराहरू विदेशबाट फर्किएपछि नेम्वाङको अन्त्येष्टि हुनेछ ।
सरकारले राजकीय सम्मानका साथ अन्त्येष्टि गर्ने र त्यस दिन सार्वजनिक बिदा दिने निर्णय गरिसकेको छ ।
प्रकाशित मिति: मंगलबार, भदौ २६, २०८० १२:३८
प्रतिक्रिया दिनुहोस्
थप राजनीति
