जी–२० शिखर सम्मेलनमा भारतका प्रधानमन्त्रीले १५ देशका नेताहरुसँगै छुट्टा छुट्टै भेट गर्ने
भारतका प्रधानमन्त्री नरेन्द्र मोदीले जी–२० शिखर सम्मेलनमा विश्वका नेताहरूसँग १५ द्विपक्षीय बैठक गर्ने भएका छन् ।
सेप्टेम्बर ९ देखि संघीय राजधानी नयाँदिल्लीमा हुने सम्मेलनमा मोदीले विश्वका नेताहरूसँग द्विपक्षीय बैठक गर्ने भारतीय सञ्चार माध्यमहरूले जनाएका छन् ।
समाचार एजेन्सी पीटीआईका अनुसार मोदीले आज शुक्रबार अमेरिकी राष्ट्रपति जो बाइडेन तथा बंगलादेशका प्रधानमन्त्री शेख हसिनासँग आफ्नो निवासमा बैठक गर्नेछन् ।
सम्मेलनका क्रममा उनले बेलायत, जापान, जर्मनीका नेतासँग पनि द्विपक्षीय बैठक गर्ने समाचारमा उल्लेख छ । उनले पर्सी आइतबार फ्रान्सका राष्ट्रपति इमानुएल म्याक्रोनसँग लन्च बैठक गर्नेछन् ।
मोदीले कोमोरोस, टर्की, यूएई, दक्षिण कोरिया, ब्राजिल तथा नाइजेरियाका नेतासँग पनि द्विपक्षीय वार्ता गर्ने छन् ।
प्रकाशित मिति: शुक्रबार, भदौ २२, २०८० १३:४७
प्रतिक्रिया दिनुहोस्
थप अन्तर्राष्ट्रिय
