संक्रमणकालीन न्यायसँग सम्बन्धित बेपत्ता पारिएका व्यक्ति छानबिन, सत्य निरूपण तथा मेलमिलाप आयोग (तेस्रो संशोधन) विधेयकलाई संसद्बाट पारित गराउने विषयमा सहमति जुटाउन प्रधानमन्त्रीले सभामुखसहित तीन दलसँग छलफल गरेका छन् ।
 

हिजो बुधबार सभामुख देवराज घिमिरेसँग छलफल गरेर प्रधानमन्त्री पुष्पकमल दाहाल प्रचण्डले सत्तारुढ दल नेपाली कांग्रेसका सभापति शेरबहादुर देउवा र प्रमुख प्रतिपक्षी दल नेकपा एमालेका अध्यक्ष केपी शर्मा ओलीसँग भेट गरे ।
 

ओलीले एकपटक अध्ययन गर्ने र साथीहरूसँग छलफल गर्ने बताएपछि टीआरसीका विषयमा कुनै निर्णय हुन सकेन ।
 

कांग्रेस सभापति देउवाले पनि विधेयकमा साझा समझदारी कायम गरेर जान आग्रह गरे ।