मतया पर्व ललितपुरमा मनाइयो -(भिडियो सहित)
ललितपुरको पाटनमा दीप यात्रा मतयाः पर्व मनाइएको छ ।
हरेक वर्ष गाईजात्राको भोलिपल्ट मनाइने मतयाःमा पाटनका भित्री सहरमा रहेका विभिन्न देवदेवी, चैत्यको पूजा गर्ने गरिन्छ ।
विशेष गरेर बौद्ध धर्मावलम्बीले वर्षभरीमा दिवङ्गत भएका आफ्ना आफन्तजनको सम्झनामा धान , चामल, पैसा लगायतका विभिन्न सामग्री दान दिँदै हातमा दीप लिएर मतयाः जाने गर्दछन् । यसरी हातमा पानस, मैनबत्ती, लगायत बालेर यात्रा गरिने भएकोले यस यात्रालाई मतयाः भनिएको किम्वदन्ती छ ।
सौगलबाट शुरु भएको मतयाः टङ्गल, लगनखेल, हखबहाल, पूर्णचण्डी, बुबहाल, गाःबहाल, नबहील, श्रीबहाल, नागबहाल लगाएतका स्थान हुदै सौगलमा पुगर सकिएको थियो ।
मतयाः लिच्छवि राजा बालार्चनदेवको पालादेखि शुरु भएको संस्कृतिविद्हरुको भनाइ छ ।
प्रकाशित मिति: शुक्रबार, भदौ १५, २०८० १६:४६
प्रतिक्रिया दिनुहोस्
थप समाज
