उद्योग समिति सभापतिमा रास्वपाका पराजुलीले उम्मेदवारी फिर्ता लिएपछि जनमत पार्टीका खान निर्विरोध
औपचारिक रूपमा नेतृत्व चयन घोषणा
राष्ट्रिय स्वतन्त्र पार्टी (रास्वपा)का सांसद गणेश पराजुलीले प्रतिनिधि सभाको उद्योग तथा वाणिज्य र श्रम तथा उपभोक्ता हित समिति सभापतिका लागि दिएको उम्मेदवारी फिर्ता लिएका छन् ।
पराजुलीले उम्मेदवारी फिर्ता लिएपछि जनमत पार्टीका सांसद अब्दुल खान समिति सभापतिमा निर्विरोध निर्वाचित भएका छन् ।
हिजो आइतबार प्रतिनिधि सभाअन्तर्गतका १० समितिको नेतृत्वका लागि ९ वटामा एकल र एउटामा दुई जनाको उम्मेदवारी परेको थियो।
एकल उम्मेदवारी परेका समितिका सभापति निर्विरोध निर्वाचित भएको घोषणा समिति बैठकले गर्नेछ ।
‘मिनी संसद्’ भनेर चिनिने संसदीय समितिको आइतबार उम्मेदवारी मनोनयनका लागि सभामुख देवराज घिमिरेले मिति तय गरेका थिए ।
अहिले संसदीय समितिको बैठकमा औपचारिक रूपमा नेतृत्व चयन घोषणा हुँदैछ ।
प्रकाशित मिति: सोमबार, भदौ ११, २०८० १६:१८
प्रतिक्रिया दिनुहोस्
थप राजनीति
