बालुवाटार जग्गा प्रकरणमा पक्राउ परेका पूर्व निर्वाचन आयुक्त सुधिरकुमार शाह छुटेका छन्।
जिल्ला सरकारी वकिल कार्यालयले शाहलाई प्रतिवादी नबनाई अभियोगपत्र दायर गरेसँगै उनलाई हिरासतबाट छाडिएको हो ।
सीआईबीले मुद्दा चलाउन राय दिएपनि जिल्ला सरकारी वकिल कार्यालय प्रतिवादी नबनाई अभियोगपत्र दायर गरेपछि उनलाई छाडिएको सीआईबीका प्रवक्ता नवराज अधिकारीले जानकारी दिए ।
सीआईबीले २८६ जनालाई प्रतिवादी बनाउन राय दिएको थियो । तर, सरकारी वकिल
कार्यालयले भने २८९ सरकारी वकिल कार्यालयले प्रतिवादी बनाएको छ ।
शाह २०७३ भदौदेखि २०७५ चैत २८ गतेसम्म निर्वाचन आयुक्तका रुपमा कार्यरत रहेका थिए।
सीआईबीले मुद्दा चलाउन राय दिएका दाङका सिडिओ सुशिल वैद्यलाई भने सरकारी वकिलको कार्यालयले प्रतिवादी बनाएको छ ।
सञ्चार मन्त्रालयका सचिव कृष्णबहादुर राउतलाई पनि सीआईबीले नबनाउन भनेको थियो ।
तर, राउतविरुद्ध पनि मुद्दा दायर भएको छ ।
