सर्वोच्च अदालतले कोशी प्रदेशका मुख्यमन्त्री उद्वव थापाले लिएको विश्वासको मत बदर गर्न माग गर्दै परेको रिटमा अन्तरिम आदेश जारी गरेको छ ।

सर्वोच्चका न्यायाधीश इश्वरप्रसाद खतिवडाको इजलासले एमाले संसदीय दलका नेता हिक्मतकुमार कार्की र प्रमुख सचेतक रेवतीरमण भण्डारीले बुधबार सर्वोच्च अदालतमा दायर रिटमाथी बिहिवार सुनुवाई गर्र्दै नयाँ सरकारलाई आफ्नो कामकारवाही तत्कालका लागि अघि नबढाउन आदेश दिएको  छ ।

सर्वोच्चको यो आदेशसँगै गठबन्धन नेतृत्वको वर्तमान सरकार पनि संकटमा परेको छ । 

यद्यपी रिटमाथीको अन्तरिम फैसला आउन बाँकी रहेपनि तत्कालका लागि सरकारको कामकारवाहीलाई अघि नबढाउन सर्वोच्चले दिएको आदेशले कोशी सरकारको वैधानिकतामा संकट उत्पन्न भएको छ । 

यसअघि एमाले संसदीय दलका नेता हिक्मतकुमार कार्की र प्रमुख सचेतक रेवतीरमण भण्डारीले बुधबार सर्वोच्च अदालत रिट निवेदन दर्ता गराएका थिए । 
 

मुख्यमन्त्री थापाले विश्वासको मत लिने क्रममा सभामुखको भूमिकामा रहेका अध्यक्षमण्डलका सदसय्य तथा कांग्रेस सांसद इस्राइल मन्सुरीलाई मत हाल्न लगाएपछि एमाले अदालत गएको हो ।