नक्कली शैक्षिक प्रमाणपत्र
एमबीबीएस पढ्दै गरेका विद्यार्थी चितवनबाट पक्राउ
नक्कली शैक्षिक प्रमाणपत्र बनाएको आरोपमा एमबीबीएस अध्ययनरत एकजना विद्यार्थी चितवनबाट पक्राउ परेका छन् ।
नेपाल प्रहरीको केन्द्रीय अनुसन्धान ब्यूरो (सीआईबी)ले चितवनबाट नसिम अख्तरलाई पक्राउ गरेको हो ।
सप्तरीको राजविराज ७ ठेगाना भएका अख्तरलाई चितवनबाट काठमाडौं ल्याइदै छ ।
उनी चितवन मेडिकल कलेजमा एमबीबीएस अन्तिम सेमेष्टरमा अध्ययनरत विद्यार्थी हुन् । उनीमाथि आईएससी पास भएको सर्टिफिकेट नक्कली बनाएको आरोप छ ।
एमबीबीएस अध्ययनका लागि उनले काठमाडौंको सेन्ट जेभियर्स कलेजबाट आईएससी पास भएको सर्टिफिकेट पेस गरेका थिए ।
प्रकाशित मिति: शुक्रबार, भदौ १, २०८० १०:१७
प्रतिक्रिया दिनुहोस्
थप समाज
