कञ्चनपुरमा सडकमा लतारिएको तारबाट करेन्ट लागेर एकजनाको मृत्यु भएको छ ।
आक्रोशित आफन्त र स्थानीयले पूर्वपश्चिम राजमार्ग आज विहिबार विहादेखि बन्द गराएका छन् ।
कञ्चनपुरको भीमदत्त नगरपालिका–१० सुकासालमा करेन्ट लागेर स्थानीय ३५ वर्षीय दिनेश ओडको मृत्यु भएको हो ।
पूर्वपश्चिम राजमार्गमा लतारिएको विद्युतको तार छुँदा ओडलाई बुधबार बेलुका करेन्ट लागेको थियो ।
करेन्ट लागेर घाइते उनलाई उपचारका लागि महाकाली प्रादेशिक अस्पताल पु¥याउँदा चिकित्सकले मृत घोषणा गरेका थिए ।
मृतक ओडको शव अहिले महाकाली प्रादेशिक अस्पतालमा राखिएको छ ।
विद्युत प्राधिकरणले लापरबाहीले तार भुइँमा लतारिँदा करेन्ट लागी ज्यान गएको भन्दै आफन्त र स्थानीय आक्रोशित बनेका छन् ।
विरोधमा उनीहरुले बिहीबार बिहानैदेखि सुकासाल क्षेत्रमा पूर्वपश्चिम राजमार्ग बन्द गराएका छन् ।
टायर बालेर राजमार्ग बन्द गराइएको हो ।
