नेकपा (एकीकृत समाजवादी) का अध्यक्ष एवम् पूर्वप्रधानमन्त्री माधवकुमार नेपालले बालुवाटार जग्गा प्रकरण (ललिता निवास) मा आफ्नो कुनै संलग्नता नरहेको दाबी गरेका छन् ।
युरेपेली देशहरुको भ्रमण छोट्याएर आज सोमबार स्वदेश फर्किएका उनले त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै उनले आफूले सरकारको जग्गा सरकारकै नाममा हुनुपर्छ भनेर सफा मनशायले ७ रोपनी जग्गा सरकारको नाममा फिर्ता गरेकोले मुआब्जामा कुनै दोषि नरहेको उल्लेख गरेका हुन् ।
अध्यक्ष नेपालले आफू पूर्वनिर्धारित कार्यक्रममा सहभागी हुन जाने अघिल्लो दिन सर्वोच्च अदालतले आफूमाथि अनुसन्धान गर्न आदेश दिएको बताउँदै पूर्वनिर्धारित कार्यक्रममा गएपछि भागेको आरोप लगाउनु मुर्खताको संकेत दिए ।
उनले आफू गोली हान्न लाग्दासमेत नभागेको भन्दै अनुसन्धान गर्ने कुरामा आफूले चुनौतीको सामना गरेर अघि बढ्ने बताए ।
अध्यक्ष नेपाल साउन २२ गते स्विजरल्याण्ड, स्पेन, क्रोशिया र युनाइटेड किङडम (युके) लगायत युरोपेली मुलुकको भ्रमणमा निस्किएका थिए ।
त्यसको एक दिन अघि साउन २१ गते सर्वोच्च अदालतले बालुवाटार जग्गा प्रकरणमा पूर्वप्रधानमन्त्रीद्वय डा.बाबुराम भट्टराई र माधवकुमार नेपालमाथि पनि अनुसन्धान गर्न आदेश दिएको थियो ।
-1726459689.jpg)
