मन्त्रिपरिषद् हेरफेर
नयाँ मन्त्री अनिता साहको शपथ भोलि विहान
जनमत पार्टीबाट मन्त्री बन्न लागेकी अनिता कुमारी साहको शपथ भोलि सोमबार हुने भएको छ ।
साहको शपथ ग्रहण सोमबार बिहान १० बजे तय भएको राष्ट्रपति रामचन्द्र पौडेलका प्रेस संयोजक खिला कार्कीले जानकारी दिए ।
जनमतले मन्त्रीका लागि यसअघि नै साहको नाम सिफारिस गरेको थियो ।
आज आइतबार बसेको नेकपा माओवादी केन्द्रको पदाधिकारी बैठकले सामान्य प्रशासनमन्त्री अमनलाल मोदीलाई फिर्ता बोलाउने निर्णय गरेको थियो ।
तर प्रधानमन्त्री पुष्पकमल दाहाल प्रचण्डले साहलाई सोही मन्त्रालय वा अन्य कुनै मन्त्रालय दिने भन्ने टुंगो लागेको छैन ।
यसअघि गत पुसमा प्रचण्ड नेतृत्वको सरकारमा जनमतबाट खानेपानी मन्त्री भएका अब्दुल खानले गत चैत १७ गते राजीनामा दिएका थिए ।
प्रकाशित मिति: आइतबार, साउन २८, २०८० २०:१३
प्रतिक्रिया दिनुहोस्
थप राजनीति
