महँगोमा मल बेच्ने पसलमा प्रशासनको सिलबन्दी
जिल्ला प्रशासन कार्यालय भक्तपुरले अनुदानको रासायनिक मल महँगोमा बेचिरहेको पसलमा सिलबन्दी गरेको छ ।
भक्तपुरको कमलविनायकमा रहेको एनबी मल पसलमा छापा मारेर महँगोमा बिक्री गरेको थाहापाएपछि सिलबन्दी गरिएको प्रजिअ खगेन्द्रप्रसाद रिजालले जानकारी दिए ।
‘अनुदानको मल विक्रेताले २१ सय रुपैयाँ बिक्री गरेपछि प्रशासनले पसलमा सिलबन्दी गरेको हो,’ रिजालले भने ।
उक्त पसलमा १२७ बोरा मल मौज्दात छ । अनुदानको मल महँगोमा बिक्री गर्ने ती विक्रेतालाई कारबाही गरिने रिजालले जनाए ।
प्रकाशित मिति: शुक्रबार, साउन १९, २०८० २०:०१
प्रतिक्रिया दिनुहोस्
थप समाज
