नेकपा माओवादी केन्द्रले आगामी मंसिर महिनामा विधान सम्मेलन गर्ने भएको छ ।
आज प्रधानमन्त्री निवास बालुवाटारमा बसेको बैठकले मंंसिर महिनामा विधान सम्मेलनसँगैै फागुन–चैतमा विशेष महाधिवेशन गर्ने निर्णय गरिएको पार्टी कार्यालयले जनाएको छ ।
हिजो आइतबार साँझ बस्ने भनिएको पदाधिकारी बैठक स्थगित भए पछि आज सोमबारको लागि बोलाईएको हो ।
साउन १७ गतेबाट सुरु हुन लागेको केन्द्रीय कमिटी बैठकका एजेण्डा तय गर्नका लागि उक्त बैठक बोलाईएको हो ।
पार्टीका बिद्यान अधिवेसनलगायतका बिषयमा छलफल गर्नका लागि माओवादीले साउन १७ गते केन्द्रिय समिति बैठक डाकेको हो ।
बैठको निर्णय अनुसार जनता, संगठन र सदस्यता वितरणलाई सो तीन महिनाभित्रमा सम्पन्न गरी आगामी मंसिरमा विधान सम्मेलन गरिने प्रस्तावसँगै पार्टीले विशेष महाधिवेशन पनि गर्ने निर्णय गरेको छ ।
फागुन–चैततिर गर्ने भनेर राखिएको प्रस्ताव केन्द्रीय समितिको बैठकले अनुमोदन गरेपछि कार्यान्वयनमा हुने निश्चित छ ।
सत्तारुढ नेपाली कांग्रेसपछि सत्ता नेतृत्वकर्ता माओवादी केन्द्रले पनि पहिलोपटक केन्द्रीय समितिको बैठकको प्रत्यक्ष प्रसारण (लाइभ) गर्ने भएको छ ।
माओवादी केन्द्रको पदाधिकारी बैठकले यही पर्सी सुरु हुने केन्द्रीय समितिको बैठक लाइभ गर्ने निर्णय गरेको हो ।
केही दिनअघि नेपाली कांग्रेसले पनि आफ्नो इतिहासमा पहिलोपटक केन्द्रीय समितिको बैठक लाइभ गरेको थियो ।
जसका कारण सभापति शेरबहादुर देउवाको प्रशंसा भइरहेको छ ।
