त्रिभुवन अन्तराष्ट्रिय विमानस्थलस्थित भन्सार प्रमुखमा सरकारले टोकराज पाण्डे नियुक्त गरेको छ ।
निजामती राष्ट्रिय किताबखानाका महानिर्देशक पाण्डे गत बिहीबार मात्रै अर्थ मन्त्रालयमा सरुवा भएका थिए ।
उनै पाण्डेलाई अर्थमन्त्री डा. प्रकाश शरण महतले त्रिभुवन विमानस्थल भन्सार प्रमुखमा नियुक्त गरेको भन्सार कार्यालयले जनाएको छ ।
त्रिभुवन अन्तर्राष्ट्रिय विमानस्थलको भन्सार प्रमुख अरुण पोखरेल गत गत असार १७ गतेदेखि बिरामी बिदामा छन् ।
१ सय किलो सुन भित्रिँदा पोखरेल बिदामा थिए विमानस्थल भन्सार र प्रहरी प्रमुख बिदामा रहेर हाल स्वास्थ्योपचारका क्रममा रहेका पोखरेललाई अर्थ मन्त्रालयमा सरुवा गरिएको हो ।
गत हप्ता त्रिभुवन अन्तर्राष्ट्रिय विमानस्थलको भन्सारबाट जाँच पास भइसकेर १ सय केजी सुन भित्रिँदा भन्सार प्रमुख पोखरेल बिदामा नै थिए ।
पोखरेल बिदामा हुँदा निमित्तका रुपमा नारद गौतमले विमानस्थल भन्सारको नेतृत्व गरिरहहेका थिए ।
सुन तस्करी प्रकरणपछि बदनाममा गाभिएको त्रिभुवन विमानस्थल भन्सारमा अर्थ मन्त्रालयले पाण्डेलाई पठाउने निर्णय गरेको अर्थमन्त्री महतले बताए ।
निजामति सेवामा काविल कर्मचारीका रुपमा छवि बनाएका पाण्डेलाई अर्थमन्त्री महतले त्रिभुवन विमानस्थल भन्सारको बेथितिलाई सुधार गर्न सक्ने विश्वास सहित भन्सार प्रमुख बनाएर पठाएको मन्त्रीका निकटवर्तीहरुले बताएका छन् ।
यसअघि यातायात व्यवस्था विभागमा समेत छोटो समय काम गरेका पाण्डेले थुप्रै सुधारका कामको थालनी गरेका थिए
