सेटिङमा सरकारको लस्कर भन्दै युवा संघको विरोध
नेकपा एमाले निकट युवा संघ नेपालले सुन तस्करी प्रकरणविरुद्ध प्रदर्शन गरेको छ ।
काठमाडौंको माइतीघर मण्डलामा संघले विभिन्न प्लेकार्डसहित नाराबाजी गर्दै आज शुक्रबार प्रदर्शन गरेको हो ।
त्यस्तै, संघले प्रदर्शनका क्रममा मसाल जुलुस निकालेको छ ।
संघले गत बुधबार बरामद भएको करिब एक क्वीन्टल अवैध सुन तस्करीमा संलग्नलाई पक्राउ गरी कारबाहीको माग गर्दै प्रदर्शन गरेको हो ।
उनीहरुले गृहमन्त्रीको राजीनामा माग्दै ‘सुन तस्करलाई फाँसी दे’, ‘सुनको रह्यो ब्रेक सु, तस्करीमा गृहमन्त्रीकै ब्रेक थु्र’, ‘सेटिङमा सरकारको लस्कर, बिगबिगी सुन तस्कर’ जस्ता नारा लगाएका थिए ।
प्रदर्शनमा प्रेस चौतारी नेपालले पनि ऐक्यवद्धता जनाउँदै सहभागी बनेको थियो ।
प्रकाशित मिति: शुक्रबार, साउन ५, २०८० १९:५३
प्रतिक्रिया दिनुहोस्
थप राजनीति
