नेपालगञ्जमा गर्मी बिदा फेरि थपिएको छ । गर्मी अत्याधिक बढेपछि जेठ ३१ गतेसम्म बिदा थप गरिएको हो।

यस अघि जेठ २१ गतेदेखि २३ गतेसम्म गर्मी बिदा गरिएकोमा पुनः२६ गतेसम्म थपिएको थियो । शुक्रवार फेरि चार दिन बिदा थपिएको नेपालगन्ज उपमहानगरपालिकाको शिक्षा, युवा तथा खेलकुद महाशाखाले जनाएको छ  ।

दिन प्रति दिन गर्मी बढ्दै जाँदा पठनपाठनमा समस्या हुनुका साथै विद्यार्थीहरुको स्वास्थ्यमा प्रतिकूल असर पर्ने भएकाले चालू शैक्षिक सत्रको गर्मी बिदामा समायोजन हुने गरि जेठ २७ देखी ३१ गतेसम्म पुनः बिदा थप गरिएको हो।

जल तथा मौसम विज्ञान विभागका अनुसार तराईमा आगामी पाँच दिन तातो हावा (लु) यथावत रहने देखिएको र जिल्ला प्रशासन कार्यालय बाँकेबाट समेत पूर्व सावधानी अपनाउन सार्वजनिक जारी भएकाले बिदा थपिएको महाशाखाले जनाएको छ ।