चौतर्फी बिरोधका बावजुद सरकारले रेशम चौधरीलाई आममाफी दिन सिफारिस गरेको छ। सिहदरवारमा आज बसेको मन्त्रिपरिषद बैठकले चौधरीलाई आममाफी दिन राष्ट्रपतिसमक्ष सिफारिस गर्ने निर्णय गरेको हो ।
यसअघि प्रक्रिया अघि बढाउने प्रयोजनका लागि गृहमन्त्रालयले चौधरीलाई आमामाफी दिन राष्ट्रपति कार्यालयमा प्रस्ताव गरेको थियो ।
गृहको सो प्रस्ताव राष्ट्रपति कार्यालयले फिर्ता पठाएपछि आइतवार नै सरकारले औपचारिक रुपमा मन्त्रिपरिषद् बैठकबाट राष्ट्रपति समक्ष आममाफी सिफारिस गरेको हो ।
सरकारको उक्त प्रस्ताव आजै राष्ट्रपति कार्यालय पठाउने तयारी भइरहेको प्रधानमन्त्री निकट स्रोतले जनाएको छ ।
सरकारको उक्त सिफारिसअनुसार राष्ट्रपति रामचन्द्र पौडेलले चौधरीलाई आममाफी दिने सक्नेछन्।
गणतन्त्र दिवसका अवसरमा चौधरीलाई माफी दिने तयारी अनुसार सरकारले उक्त प्रक्रिया अघि बढाएको थियो ।