सुदुरपश्चिम सरकारले पुर्णता पाउँदै, माओवादीका तीन मन्त्रीको नाम टुंगियो
सुदूरपश्चिम प्रदेशका मुख्यमन्त्री कमलबहादुर शाहले आजै सरकारले पुर्णता पाउने बताएका छन् ।
सरकारका सय दिन पुगेको उपलक्ष्यमा आयोजित पत्रकार सम्मेलनमार्फत उनले सो जानकारी दिएका छन् ।
‘प्रदेश सरकारलाई आजै पुर्णता दिने बारेमा छलफल जारी छ, नयाँ मन्त्रीहरुले आजै सपथ लिने तयारी गरेका छौं’ उनले भने । उनका अनुसार सत्तारुढ गठबन्धनमा आवद्ध सबै दललाई समेटेर सरकारलाई पुर्णता दिने बारेमा छलफल चलिरहेको छ ।
यसैबिच, नेकपा माओवादी केन्द्रवाट सरकारमा सहभागि हुनेको नाम टुंगिएको छ । जसअनुसार रमेश धामी र झपट साउद आज मन्त्री हुदैँछन भने गितादेवी माललाई भने राज्यमन्त्रीको जिम्मेवारी दिन लागिएको माओवादी संसदीय दलका नेता खगराज भट्टले जानकारी दिए ।
प्रकाशित मिति: शुक्रबार, जेठ ५, २०८० ११:५८
प्रतिक्रिया दिनुहोस्
थप राजनीति
