सर्वोच्च अदालतले ढाका कुमार श्रेष्ठविरुद्ध कारवाही अघि नबढाउन भनेकै दिन निर्वाचन आयोगले उनको ठाँउमा सांसद सिफारिस भएकी राष्ट्रिय स्वतन्त्र पार्टीकी विन्दाबासिनी कंसाकारलाई सांसदको प्रमाण पत्र प्रदान गरेको छ ।
न्यायपालिकाकै सर्वोच्च निकाय सर्वोच्चबाट आदेश आउने बेला सम्म रास्वपाबाट नयाँ सांसद सिफारिस कंशाकारले प्रतिनिधी सभा सदस्यको प्रमाण पत्र लिइसकेका थिइन ।
ढाका कुमार श्रेष्ठमाथी कारवाही तत्काललाई यथास्थितिमै राख्न सर्वोच्चले जारी गरेको आदेशको औचित्य अव के हुन्छ भन्ने प्रश्न समेत उब्जिएको छ ।
सर्वोच्चको आदेश आउनुपुर्व नै निर्वाचन आयोगले अर्का व्यक्तिलाई सांसद करार गरी प्रमाणपत्र समेत दिइसकेकाले ढाका कुमारश्रेष्ठको पक्षमा तत्कालका लागि सर्वोच्चबाट आएको आदेश हात्ति आयो हात्ति आयो फुस्सा जस्तै भएको छ ।
रास्वपाको कारबाहीमा ढाकाकुमार श्रेष्ठको सांसद पद गुमेपछि समानुपातिक निर्वाचन प्रणालीको उम्मेदवारको सूचीमा रहेकी कंसाकारलाई आयोगले प्रतिनिधिसभा सदस्यको प्रमाणपत्र दिएको हो । पार्टीको सिफारिसमा आयोगले उनलाई सदस्यको प्रमाणपत्र दिएको हो ।
तर, ढाकाकुमारको सांसदसमेत पदबाट हटाउने निर्णय तत्काल कार्यान्वयन नगर्न सोमबार सर्वाेच्च अदाललतले अल्पकालीन आदेश दिएको छ ।
