बैदेशिक रोजगारीमा गएका मध्ये पछिल्लो एक बर्षको अवधीमा सवै भन्दा धेरै नेपालीले मृत्युबरण गरेको तथ्याङ्क सार्वजनिक भएको छ ।
गत आर्थिक वर्ष २०७८ र ७९ मा वैदेशिक रोजगारीमा गएकामध्ये १ हजार ४७९ जनाको
मृत्यु भएको सरकारी तथ्याङ्क सार्वजनिक भएको हो ।
वैदेशिक रोजगार बोर्डका अनुसार वैदेशिक रोजगारीका क्रममा गत आर्थिक वर्षमा मत्यु भएका नेपालीको संख्या अहिलेसम्मकै धेरै हो ।
धन कमाउन भनि यसरी बिदेशिएका नेपालीले बिदेशी भूमिमा मृत्युवरण गरेको पछिल्लो तथ्याङ्क निकै डरलाग्दो देखिन्छ ।
यसअघि अघिल्लो आर्थिक वर्ष २०७७ र ७८ मा सबैभन्दा ठुलो संख्यामा नेपालीको मृत्यु विदेशी भूमिमा भएको थियो । सो वर्ष रोजगारीका क्रममा १ हजार २४३ जनाले ज्यान गुमाएको बोर्डले जनाएको छ ।
यसअघि आर्थिक वर्ष २०७१ र ७२ मा वैदेशिक रोजगारीमा गएकामध्ये एक हजार ६ जना नेपाली कामदारको मृत्यु भएको थियो ।
बोर्डका अनुसार पछिल्लो १४ बर्षमा वैदेशिक रोजगारीमा गएका मध्ये १० हजार ९३२ जनाको मृत्यु भएको छ । उक्त अवधिमा ५० लाख ८ सय ३३ जना नेपाली वैदेशिक रोजगारीको सिलसिलामा विभिन्न देशका पुगेका थिए ।
बैदेशिक रोजगारीमा गएका नेपाली कामदारहरुले पठाउने रेमिट्यान्सकै भरमा मुलुकको अर्थतन्त्र जिवित भइरहेपनि कामदारको पर्याप्त सुरक्षाका लागि सरकारले ठोस पहल गरेको देखिदैन ।
रोजगार गन्तव्य मुलुकमा जाने अधिकांस कामदार दलाल र बिचौलियको चंगुलमा परेर आवश्यकता भन्दा बढी रकम दिएर बिदेशिने बाध्य छन् ।
सरकारकै निकायले नै बिचौलियालाई संरक्षण गर्ने र मेलपावर र दलालसंग मिलोमतो गरि कामदारलाई असुरक्षित तवरले बिदेशमा पठाउने गरेका कारण थुपैे नेपालीले कामकै सिलसिलामा विदेशमा ज्यान गुमाउने गरेको अधिकारवादीहरुको भनाई छ ।